Mervent

Kinnigadur – ur staj ur sizhun-pad

Kinnig a ra Mervent deoc’h stagañ gant ar brezhoneg pe derc’hel da wellaat en ur heuliañ stummadurioù diouzh ar sizhun (35 eurvezh).

• An dud a sell kement-mañ outo : gopridi hag implijidi er strollegezhioù tiriadel, artizaned pe tud o-unan kemeret ganto ehañ stummañ micher.

C’hoarvezout a ra ar stummadur adalek al Lun betek ar Gwener, eus 9e da 5e, pe 35 eurvezh deskiñ.

Degemeret e veoc’h gant Mervent en unan eus he c’hreizennoù stummañ (e Kemper pe e Kemperle, diouzh ar stummadurioù o vont en-dro d’ar mare-mañ ar mare ha diouzh ho plegenn-c’hwi).
Mont a ray ar stajiad e-barzh ur strollad tud o teskiñ en ur stummadur deomp en unan eus hon div greizenn stummañ.

Gwelet ar bajenn : kinnigadur ar stummadurioù hir ouzh ar brezhoneg gant Mervent

Azasaet eo ar stummadurioù a ginnigomp diouzh live pe stajiad.
Gant un amprouenn da briziañ live ar stajiad hag a vez graet a-raok ma krogo ar stummadur e vezomp gouest da heñchañ anezhañ war-du ur strollad a vo diouzh e live.
Diwar kement-mañ e vez merket deiziadoù d’ar stummadurioù en a-raok.

Penaos lakaat e anv ? 

Goude ar stokiñ kentañ e klask Mervent priziañ ho live yezh a vo lakaet da glotañ gant live ar stroll a veoc’h degemeret ennañ.
Un amprouenn a ginnigomp deoc’h abalamour deomp d’ober ar c’hinnig a vo ar gwellañ deoc’h.
Chom a reomp en ho kerz evit n’eus forzh peseurt goulenn, deuit e darempred ganeomp raktal !

Koust ha doareoù arc’hantiñ gallus

Un aozadur titlet eo Mervent ha priz kelenn ar stajoù a c’hall bezañ kemeret e karg hervez an degouezhoù dibarek-mañ war-lerc’h :

• Steuñv stummañ an implijerien.
• Opco, aozadurioù dastum.

Evit sevel un teuliad bennak : deuit e darempred ganeomp.