Mervent

Hor c’houlzadoù stummadur da zont

Fellout a ra deoc’h gouzout hor c’houlzadoù stummadur da zont ha/pe gouzout hiroc’h diwar-benn an danvez hag an doareoù gallus da duta : taolit ur sell ouzh an taolennoù titouroù amañ dindan.

Deuit e darempred ganeomp dre hon furmskrid m’ho peus goulennoù all pe en ur pellgomz deomp.
Prest omp da respont d’ho koulennoù ha da sevel asambles ho raktres stummañ.

Hor c’houlzadoù stummadur da zont :

Evit gouzout hiroc’h diwar-benn hon stummadurioù hag an doareoù gallus da duta : klikit amañ

Hon emvodoù-kelaouiñ o tont :

En ur leuniañ ar furmskrid amañ dindan e c’halloc’h dibab un deiziad evit kemer perzh en emvod-kelaouiñ.
Moaien a zo deoc’h mont e darempred ganeomp ma ne glot ket an deiziadoù-mañ gant hoc’h implij amzer.

Emvodoù kelaouiñ er CLPS .
– 13/02, 9e-12e
– 13/03, 9e-12e
– 17/04, 9e-12e
– 15/05, 9e-12e
– 28/05, 2e-4e30
– 19/06, 9e-12e
– 03/07, 9e-12e
– 24/07, 9e-12e
– 28/08, 9e-12e
Mont e darempred gant CLPS Kemper evit gouzout hiroc’h : 02 98 10 11 49|

Kelenner-ien ha kelennerez-ed ar 1-añ hag an 2-vet derez en Deskadurezh Stad : ur stignad nevez da gemer e-karg

Kelennerez pe gelenner titlet oc’h hag e faot deoc’h heuliañ ur stummadur ouzh ar brezhoneg ?

Evit bremañ emaoc’h oc’h ober skol en akademiezh Roazhon. Deoc’h da heuliañ ar stummadur-se en ur zelc’her ho kobr en e bezh ez eus lakaet en e blas un stignad nevez a ehan stummañ dibaouez gant an Deskadurezh Stad.

Tennañ a ra hepken d’ar stummadurioù hir a-hed 9 miz a vez graet etre miz Gwengolo ha miz Mezheven. Ar stignad-mañ e kemer perzh da arc’hantaouiñ anezhañ ar Stad, Rannvro Breizh hag an departamañchoù.

A-drugarez d’ar stignad-mañ :
• 100% eus ho kobr a zalc’hit.
• An holl vizoù stummadur a vez kemeret e karg.
• Evit ar 1-añ derez e vez 5 plas stummadur 9 miz bep bloaz, dre departamant eus akademiezh Roazhon (da lavaret eo 20 plas en akademiezh en he fezh).
• Evit an eil derez, 5 plas stummadur 9 miz bep bloaz en akademiezh a-bezh.

An difaeoù ret :
1. Lezit ho koulenn diskarg evit ur stummadur dibaouez gant IEN ho pastell ha/pe gant an DASEN.
2. Deuit e darempred gant MERVENTevit heuliañ an argerzh titouriñ ha tuta pe skrivit deomp dre ar furmskrid daremprediñ.

Muioc’h a ditouroù :
– Stummadurioù hir (3 ha 6 miz)
– Hor c’houlzadoù stummadur da zont

Emvod-Meur Mervent 2025

Emvod-Meur Mervent a-zeu a vo dalc’het d’ar Sadorn 01 a viz Even.
Lec’h : MJC-CS Ti an dud, Douarnenez

9e45 : degemer
10e : emvod-meur (danevelloù 2024, raktresoù 2025, neveziñ ar c’huzul-merañ)
12e : klozadur

Emezelañ :

Evit votiñ en emvod-meur eo ret deoc’h bezañ ezel eus ar gevredigezh.

Emezelañ eo ivez an digarez da harpañ Mervent evel hinienn pe aozadur.
Gallout a rit emezelañ en ur leuniañ ur fichenn-emezelañ hag a c’hall bezañ kaset deoc’h dre bostel diwar ho koulenn.